Relasiona ho situasaun emerjensia kombinasaun situasaun impasse politika ne'ebe dura tempu naruk iha Timor-Leste, maka Fundasaun MAHON hare dezenvolvimentu setor edukasaun iha rai laran sei lao atraza hodi implika ba abilidade estudante em jeral ninia komitmentu le'e no estuda sei menus tamba lor-loron estudante sira tenki hela iha uma deit la halo buat ida inklui situasaun enviromentu ne'ebe barulho sei afeta tebes ba konsentrasaun no vontade labarik nian menus.
Eskola sira hotu feriadu, manorin sira labele fasilita materia uza sistema online relasiona ho fasilidade hanesan telfone, komputador, internet no mos ekonomia povu marjinalizadu sira nian laiha forsa atu esforsu fasilita ba oan sira ne'e iha la posivel ba estudante no manorin sira atu kontinua deposita materia ba malu.
Fundasaun MAHON kontinua enkoraza estudante sira hotu tantu husi Eskola Primaria to'o nivel universitariu atu bele le'e materia ou livru ruma ne'ebe iha atu la hamihis vontade estuda nudar estudante oan.
Mensajem ne'e simples los maibe kuandu ita la preokupa maka sei hasusar liu ita nia futuru rasik durante tinan naruk liu hodi afeta ba vida dezempregu no vulnerabilidade inklui mos kontribui ba numeru iliterasia iha Timor-Leste.
Remata
Fundasaun Many Hands One Nation - MAHON
Comments
Post a Comment